“Paris-2024”də yarışı təxirə salınan idmançımız kimdir?

Azərbaycan triatlonçusu Rostislav Pevtsovun Paris Olimpiadasında iştirak edəcəyi yarış təxirə salınıb.

Beynəlxalq Triatlon Federasiyasından verilən məlumata görə, buna səbəb Sena çayında suyun keyfiyyətinin aşağı olmasıdır.

İdmançıların sağlamlığının onlar üçün prioritet olduğunu qeyd edən qurum mübarizənin iyulun 31-də baş tuta biləcəyini ehtimal edib.

Qeyd edək ki, çirklilik səviyyəsi yüksək olduğuna görə 1923-cü ildən Sena çayında çimmək qadağandır. Bununla belə, bu ildən çayda bəzi yarışların təşkilinə icazə verilib.