Paris olimpiadasında növbəti biabırçılıq yaşanıb

Parisdə keçirilən XXIII Yay Olimpiya Oyunlarında növbəti xoşagəlməz hadisə yaşanıb.

Belə ki, triatlonçuların üzgüçülük məşqləri Sena çayında suyun keyfiyyətinin aşağı olmasına görə ləğv edilib.

Bu barədə Olimpiadanın Təşkilat Komitəsinin mətbuat xidməti məlumat yayıb.

“Olimpiya Təşkilat Komitəsi, Beynəlxalq Triatlon Federasiyası və yerli hakimiyyət orqanları Sena çayında suyun keyfiyyətinin kifayət qədər zəmanət vermədiyi üçün triatlon tədbirinin bir hissəsini ləğv etmək barədə birgə qərar qəbul ediblər”, – deyə məlumatda bildirilib.

Lakin təşkilatçılar iyulun 30-u və 31-nə nəzərdə tutulan yarışların vaxtında keçiriləcəyini bildiriblər.

Əlavə edək ki, Fransanın paytaxtında təşkil olunan yarışda 10 700-dən çox atlet 32 idman növü üzrə 329 proqramda qüvvəsini sınayacaq. Ölkəmizin 15 idman növü üzrə 48 idmançı ilə təmsil olunacağı turnirə avqustun 11-də yekun vurulacaq.