Planetin ən dəyərli futbol klubu hansıdır?

Məşhur “Forbes” jurnalı öz versiyasına görə dünyanın ən bahalı klublarının siyahısını açıqlayıb.

Siyahıya İspaniya çempionatının qalibi “Real” başçılıq edir. Nəşr Madrid təmsilçisini 6,6 milyard dollar məbləğində dəyərləndirir.

2-ci pillədə son illərdə uğursuz nəticələrlə diqqət çəkməsinə baxmayaraq, maliyyə dayanıqlığını itirməyən “Mançester Yunayted” qərarlaşıb. İngiltərə komandasının dəyəri 6,5 milyard dollardır.

Ən bahalı klubların ilk üçlüyünü “Barselona” qapayır. Böyük kredit borcları olan “blauqrana”nın dəyəri 5,6 milyard dollardır.

Ümumiyyətlə, ilk onluqda İngiltərə kollektivləri çoxluq təşkil edir. Burada Premyer liqanın qalibi “Mançester Siti” ilə yanaşı, “Liverpul”, “Tottenhem”, “Çelsi” və “Arsenal” mövqe tutublar.

Bundan başqa, ilk onluqda Almaniya nəhəngi “Bavariya” və Fransa çempionu “Pari Sen-Jermen” də var. Onların dəyəri müvafiq olaraq 5 və 4,4 milyard dollardır.