Pleyeri seçin:
Pol Poqba İngiltərəyə qayıtmağa yaxındır
Fransa millisi ilə 2018-ci ilin dünya çempionu, antidopinq qaydalarını pozduğuna görə 18 aylıq futboldan uzaqlaşdırılan Pol Poqba İngiltərəyə qayıtmağa hazırlaşır.
Cəzası gələn ilin martında başa çatacaq Pol “Mançester Siti”nin diqqət mərkəzindədir.
Bildirilir ki, “şəhərlilər” artıq 31 yaşlı yarımmüdafiəçi ilə əlaqə saxlayıblar. “Siti” Poqbanı hazırda zədəli olan “Qızıl top”un son qalibi Rodrinin əvəzləyicisi kimi görür.
Mankunianlarla yanaşı, Türkiyə nəhəngi “Qalatasaray” da oyunçunun dəvətində maraqlıdır. İddia olunur ki, Polun agenti “sarı-qırmızılar”ın rəsmiləri ilə danışıqlar aparır.
Xatırladaq ki, Poqba daha əvvəl 2016-2022-ci illərdə “Mançester Siti”nin əzəli rəqibi “Yunayted”in formasını geyinib. Ümumən 233 görüşə qatılan futbolçu İngiltərə Liqa kuboku və Avropa liqasında qalib gəlib.
Kopyalandı
#Mançester Siti FK teqi istifadə olunub
