Premyer Liqanın 24-cü turunda “Neftçi” “Turan Tovuz”un qonağı olub

Azərbaycan çempionatında 24-cü turun daha bir oyunu keçirilib.

“Neftçi” klubu “Turan Tovuz”la üz-üzə gəlib. Tovuz şəhər stadionunda baş tutan qarşılaşmada azarkeşlər 2 qol görüblər.

Hesabı 72-ci dəqiqədə “ağ-qaralar” açıblar. Yeqor Boqomolski fərqlənib. Lakin oyunun sonlarına doğru meydan sahibləri hesabı bərabərləşdirməyi bacarıblar. 88-ci dəqiqədə Fərid Nəbiyev paytaxt təmsilçisinin qapısını dəqiq nişan alıb.

Bu nəticədən sonra xallarının sayını 36-ya çatdıran “Neftçi” 3-cü pillədədir. “Turan Tovuz” isə 31 xalla 6-cı yerdə qərarlaşıb.

Qeyd edək ki, “Neftçi” kollektivi növbəti turda “Qarabağ”la üz-üzə gələcək. “Turan Tovuz” isə “Zirə”nin qonağı olacaq.