PSJ-dən transfer bazarını alt-üst edəcək təklif

12 iyul 2024 256 baxış

Kilian Mbappenin “Real”a keçidindən sonra hücum xəttinə yeni futbolçular axtarışında olan PSJ-nin hədəfləri məlum olub.

Fransa nəhəngi heyətini “Napoli”nin ulduzları ilə gücləndirmək niyyətindədir.

Son xəbərlərə görə, parislilər Viktor Osimhen və Xviça Kvaratsxeliya üçün ümumilikdə 200 milyon avro ödəməyə hazırdır. Bildirilib ki, paytaxt klubu bu transferləri təmin etmək üçün Qonsalu Ramuş və ya Randal Kolo Muaninin gedişinə razılıq verə bilər.

Lakin PSJ-nin planlarına Neapol komandasının prezidenti Aurelio De Laurentisin mövqeyi təsir edə bilər. 75 yaşlı funksioner həm Xviçanı, həm də V.Osimheni klubda saxlamaq istəyir. Bu səbəbdən PSJ keçidləri reallaşdırmaq üçün “Napoli”yə daha yüksək məbləğ təklif etməlidir.

Qeyd edək ki, 2022/23-cü illər mövsümündə neapolluların çempionluğunda vacib rol oynayan V.Osimhen və X.Kvaratsxeliyanın “Transfermarkt” portalına görə dəyəri müvafiq olaraq 100 və 80 milyon avrodur.

#PSJ FK