Qabonlu futbolçu anasının ölümündən sonra doğulub ?

Qabon millisinin futbolçusu Qelor Kanqa bütün dünyanın diqqət mərkəzinə düşüb.

33 yaşlı yarımmüdafiəçi sənədlərini saxtalaşdırmaqda ittiham olunur.

Belə ki, onun pasportunda doğum tarixi kimi 1990-cı il göstərilib. Araşdırmalardan sonra isə məlum olub ki, Qelorun anası 1986-cı ildə, yəni oyunçunun dünyaya gəlməsindən 4 il əvvəl vəfat edib. Bu fakt məlum olduqdan sonra Kanqaya qarşı ittiham irəli sürülüb. Qəsdən yaşının azaldılmasında günahlandırılan futbolçu Afrika Futbol Konfederasiyasının nizam-intizam komitəsi qarşısına çıxacaq.

Qeyd edək ki, Konqo Demokratik Respublikasının nümayəndələri hələ 2021-ci ildə Qelor Kanqanı sənədlərini saxtalaşdırmaqda ittiham etsə də, həmin vaxt bununla bağlı dəlillər aşkar olunmamışdı.