“Qalatasaray” 3 milyon avroya futbolçu transfer edir

Sol cinah müdafiəçisi axtarışında olan “Qalatasaray”ın yeni transfer hədəfi məlum olub.

“Sarı-qırmızılar” bu mövqeyi Derrik Könlə gücləndirmək niyyətindədir.

Son xəbərlərə görə, “cimbom” transferlə bağlı artıq həm futbolçu, həm də onun çıxış etdiyi “Hannover”lə razılıq əldə edib. Bundan başqa, 25 yaşlı oyunçunun tibbi müayinədən keçmək üçün İstanbulda olduğu bildirilir.

Qeyd edək ki, məşhur “Transfermarkt” portalına əsasən, D.Könün dəyəri 3 milyon avrodur. İddia olunur ki, “Qalatasaray” Derrik üçün “Hannover”ə məhz bu məbləği ödəyəcək.

Maraq üçün deyək ki, Derrik Kön “Hamburq” və “Bavariya” akademiyalarının yetirməsidir. Daha əvvəl karyerası ərzində Niderlandın “Villem” klubunda da top qovan Derrik 2022-ci ildən “Hannover”in üzvüdür.