“Qalatasaray” 9 futbolçusu ilə yollarını ayıracaq

Türkiyə Super Liqasında çempionluq mübarizəsini davam etdirən “Qalatasaray” növbəti mövsüm üçün hazırlıqlarına start verib.

Yerli mediada yayılan məlumata görə, heyətini yeni futbolçularla gücləndirməyi planlaşdıran “sarı-qırmızılar”ın komandadan göndərəcəyi oyunçuların adına da aydınlıq gəlib.

Belə ki, İstanbul təmsilçisi Serj Orye, Tanqi Ndombele, Karlos Vinisius, Tete və Serjio Oliveyra ilə yolları ayırmağı planlaşdırır.

Eyni zamanda Barış Alper Yılmaz, Abdülkerim Bardakcı və Kərəm Aktürkoğlunun da təklif gələcəyi təqdirdə başqa klublara transferləri gündəmdədir. Müqaviləsi yaya qədər olan Hakim Ziyeşin taleyinə isə mövsümün sonunda qərar veriləcək.

Qeyd edək ki, hazırda aktivində 84 xalı olan “Qalatasaray” klubu Super Liqaya liderlik edir. “Cim-bom” əzəli rəqibi “Fənərbağça”nı 2 xal qabaqlayır. İlk üçlüyü isə 52 xalı olan “Trabzonspor” qapayır.