“Qalatasaray” La Liqa təmsilçinin vingerini transfer edəcək

“Qalatasaray” İspaniya təmsilçisi “Atletik Bilbao”nun vingeri İnyaki Uilyamsı heyətinə qatmağı planlaşdırır.

Komandanın baş məşqçisi Okan Buruk bu transferin reallaşmasında şəxsən maraqlıdır.

51 yaşlı mütəxəssis gələn mövsüm üçün hücum xəttini gücləndirmək məqsədilə məhz İnyaki Uilyamsın xidmətlərindən istifadə etmək istəyir. Məlumata görə, Buruk artıq klub rəhbərliyi ilə də bu məsələni müzakirə edib.

Beləliklə, “Qalatasaray”ın yay transfer pəncərəsi üçün əsas hədəflərindən biri də məhz qanalı futbolçudur. 30 yaşlı Uilyams futbolçu karyerasına İspaniyanın “Natasyon” klubunda başlayıb. 2012-2013 illər mövsümünü həmin ölkənin “Baskoniya” klubunda keçirən futbolçu növbəti ildən indiyə qədər “Atletik”in şərəfini qoruyur.

Cari mövsüm La Liqada “Atletik” forması ilə İnyaki Uilyams keçirdiyi 32 oyunda 6 dəfə rəqib qapılarına yol tapıb. Bundan əlavə, futbolçu komandasının vurduğu 8 qolda assist rolunu oynayıb.

Uilyams 2022-ci ildən Qana seçməsinin şərəfini qoruyur.