İdman
Pleyeri seçin:
“Qalatasaray” və “Fənərbağça” Avropa Liqasında pley-off matçına çıxb
UEFA Avropa Liqasında pley-off mərhələsinin ilk oyunları keçirilib.
Türkiyə nəhəngi “Fənərbağça” Belçikanın “Anderlext” kollektivi ilə üz-üzə gəlib.
Şükrü Saracoğlu Stadionunda baş tutan qarşılaşma “Fənər”in 3-0 hesablı qələbəsi ilə yekunlaşıb. İstanbul təmsilçisinin qollarını Duşan Tadiç, Edin Ceko və En Nesiri vurub.
Gecənin digər qarşılaşmasında Türkiyənin daha bir təmsilçisi “Qalatasaray” Niderlandın “AZ Alkmaar” komandasının qonağı olub. “Afas Stedium”da start götürən matçda meydan sahibləri 4-1 hesablı qalibiyyət əldə ediblər. “Sarı-qırmızılar” Roland Şallainin qolu ilə toplardan yalnız birinin əvəzini çıxıb.
Qeyd edək ki, bu komandalar arasında cavab matçları fevralın 20-si keçiriləcək.
Kopyalandı
