İdman
Pleyeri seçin:
“Qarabağ” ardıcıl 2-ci görüşdə qələbə qazana bilməyib
Azərbaycan çempionatında 5-ci turun növbəti görüşləri keçirilib.
Avropa liqasının qrup mərhələsinə yüksələn “Qarabağ” klubu “Səbail”in qonağı olub.
Qarşılaşmada hesab erkən açılıb. Hamidu Keyta “köhlən atlar”ı irəli çıxarıb. Bir qədər sonra meydan sahibləri bərabərlik qolunu vurublar. Aleksandr Ramalinqom 11 metrlik cərimə zərbəsini dəqiq yerinə yetirib.
İlk hissənin sonlarında “Səbail” hesabda irəli çıxıb. Ramalinqom dubl edib. Tərəflər fasiləyə yerli kollektivin 2-1 hesablı üstünlüyü ilə yollanıblar. 2-ci yarıda Ağdam təmsilçisi vəziyyəti dəyişməyə çalışsa da, səyləri nəticə verməyib. Sərfəli nəticəni qoruyan “Səbail” turu qələbə ilə tamamlayıb.
Ötən turda öz meydanında “Kəpəz”in müqavimətini qıra bilməyən “Qarabağ” isə ardıcıl 2-ci matçda xal itirib. Bu nəticədən sonra komandalar hərəyə 7 xalla 5-ci, 6-cı yerləri bölüşdürürlər.
Kopyalandı
Seçilmişlər
