İdman
Pleyeri seçin:
“Qarabağ” bu futbolçusu ilə yollarını ayırıb
“Qarabağ” klubu daha bir futbolçusu ilə yollarını ayırıb.
“Köhlən atlar” Braziliya əsilli yarımmüdafiəçi Riçard Almeydanın müqaviləsinə qarşılıqlı razılıq əsasında xitam verib. Göstərdiyi xidmətlərə görə Almeydaya təşəkkür edən Ağdam təmsilçisi ona gələcək karyerasında uğurlar arzulayıb.
Qeyd edək ki, Riçard müxtəlif fasilələrlə 2012-2025-ci illər ərzində 359 matçda “Qarabağ”ın formasını geyinib. Bu görüşlərdə 62 qola imza atan futbolçu həm də 16 məhsuldar ötürmə müəllifidir. “Köhlən atlar”la 10 dəfə Azərbaycan çempionu olan Almeyda ölkə Kubokunun 5 qat qalibidir.
Təcrübəli yarımmüdafiəçi 2017-2023-cü illərdə milli komandamızda da çıxış edib. Yığmamızda 31 görüşə qatılan Riçard 3 dəfə rəqib qapılarına yol tapıb.
Qeyd edək ki, “Qarabağ” daha əvvəl qış transfer pəncərəsində “Flamenqo”ya keçən Olavio Juninyo ilə yanaşı, “Ferentsvaroş”a qoşulan Julio Romao ilə yollarını ayırıb.
Kopyalandı
