Pleyeri seçin:
“Qarabağ” bu oyunçusuna yeni müqavilə hazırlayır
“Qarabağ” klubu əsas oyunçularından olan Abbas Hüseynovu komandada saxlamaq niyyətindədir.
Mediada yayılan məlumata görə, “köhlən atlar” mövsüm sonunda 28 yaşlı müdafiəçiyə yeni müqavilə təklif edəcək.
Belə ki, daha əvvəl yayda icarəyə göndərilməsi planlaşdırılan A.Hüseynov zədəsini sağaltdıqdan sonra son oyunlarda nümayiş etdirdiyi performansla Qurban Qurbanovu yaxşı mənada təəccübləndirib. Bu səbəbdən Abbas üçün yeni müqavilə hazırlanacaq. Futbolçunun da “Qarabağ”da qalmağa müsbət yanaşdığı bildirilib.
Qeyd edək ki, Abbas Hüseynov 2017-ci ildən “Qarabağ”da çıxış edir. Bu müddət ərzində 141 qarşılaşmada forma geyinən oyunçu 5 qol və 10 asistin müəllifi olub. Ağdamlılarla 6 dəfə ölkə çempionu olan futbolçu 1 dəfə isə Kubokda qalib gəlib.
Əlavə edək ki, 2018-2021-ci illərdə Azərbaycan millisinə də çağırılan A.Hüseynov 15 oyunda meydana çıxıb.
Kopyalandı
#Qarabağ FK teqi istifadə olunub
- “Qarabağ”ın futbolçusu karyerasını bitirir, yoxsa...? | Yeni idman xəbərləri - Baku TV
- Azərbaycan millisində yeni təyinat həyata keçirildi | Yeni idman xəbərləri - Baku TV
- Məşhur futbolçu “Qarabağ” klubu ilə yollarını ayırır? | Günün idman xəbərləri - Baku TV
- Hansı oyunçu "Qarabağ" klubunu tərk edir? - Yeni idman xəbərləri - Baku TV
- Hansı futbolçu Ağdam klubunun sıralarına qatıla bilər? - Baku TV
Seçilmişlər
