“Qarabağ” klubu 11-ci dəfə Azərbaycan çempionu oldu

“Qarabağ” klubu 11-ci Azərbaycan çempionluğunu rəsmiləşdirib.

“Köhlən atlar” buna liqanın bitməsinə 8 tur qalmış nail olub.

Belə ki, Ağdam təmsilçisi 28-ci tur çərçivəsində "Kəpəz"lə üz-üzə gəlib. Tofiq Bəhramov adına Respublika stadionunda baş tutan qarşılaşma “Qarabağ”ın 6:1 hesablı qələbəsi ilə yekunlaşıb. Qonaqların heyətində dubl edən Olavio Juninyo ilə yanaşı, Julio Romao, Abbas Hüseynov, Elvin Cəfərquliyev və Redon Cica fərqlənib. "Kəpəz"in təsəlli qolunun müəllifi isə 90-cı dəqiqədə Latir Fal olub.

Beləliklə, bu qələbə sayəsində xallarının sayını 69-a yüksəldən ağdamlılar son 8 turun nəticəsindən asılı olmayaraq 11-ci dəfə Azərbaycan çempionu kimi adını tarixə yazdırıb.