Pleyeri seçin:
Qarabağ klubu Avropa Liqasında çıxış hüququ qazanıb
“Qarabağ” klubu UEFA Avropa liqasının qrup mərhələsində çıxış hüququ əldə edib. Komandamız bu uğura pley-off mərhələsinin nəticəsinə əsasən, “Olimpiya”nı məğlub etməklə nail olub.
Tərəflərin Sloveniyadakı ilk matçında 2-0 hesabı ilə qalib gələn “köhlən atlar” bu dəfə rəqibini Tofiq Bəhramov adına Respublika Stadionunda qəbul edib. Hesabı komandamız açıb. 24-cü dəqiqədə Toral Bayramov 11 metrlik cərimə zərbəsini dəqiq yerinə yetirib. Çox keçmədən tarazlıq bərpa olunub. Lyublyana klubunun üzvü Dioqo Pinto bərabərlik topunu vurub. İlk hissədə başqa qol olmayıb.
Fasilədən sonra da meydanda maraqlı mübarizə gedib. Lakin tərəflərin fərqlənmək imkanları olsa da, hesab dəyişməyib. Beləliklə, 2 oyunun yekununda 3-1 hesabı ilə güclü olan “Qarabağ” Avropa liqasının qrup mərhələsinə vəsiqə qazanıb.
Bununla da, komandamız ardıcıl 10-cu mövsümdə ölkəmizi avrokubokların qrup mərhələsində təmsil edəcək.
Kopyalandı
#UEFA Avropa liqası teqi istifadə olunub
- Ötən il Çempionlar liqasında mübarizə aparmış “Köhlən atlar”ın yolu Avropa liqasınadır
- İngiltərə İstanbulda rəqibini məyus etdi - Baku TV
- İstanbul klubu "Aston Villa" ilə bacara bilmədi - Baku TV
- "Samsunspor" UEFA Konfrans Liqasında ilk məğlubiyyətini aldı
- “Roma” klubu ardıcıl 3-cü ev oyununda da məğlub oldu
Seçilmişlər
