“Qarabağ” klubu Avropa Liqasında ikinci matça çıxır

Avropa Liqasının ilk turunda “Tottenhem”ə məğlub olan “Qarabağ” növbəti matçda İsveç çempionu ilə üz-üzə gələcək.

“Köhlən atlar” Tofiq Bəhramov adına Respublika stadionunda “Malmö”nü qəbul edəcək.

Uğursuz İngiltərə səfərindən sonra Premyer Liqada “Sabah”la qarşılaşan və 3-2 hesabı ilə qalib gələn “Qarabağ” çempionatda liderliyini davam etdirir. Lakin Ağdam komandasının son 3 avrokubok görüşündə qol vurmaması, eləcə də müdafiədə diqqətsiz oyunu narahatlıq yaradır.

Bundan başqa, bəzi futbolçular hələ də bərpa prosesini davam etdirərək əvvəlki formalarını qaytarmağa çalışırlar.

Tərəddüdlər yaradan daha bir məqam “Malmö”nün son vaxtlar İsveç çempionatında inamlı çıxışıdır. Bu kollektivin “Qarabağ” kimi Avropa Liqasında ilk matçını uduzduğunu da nəzərə alsaq, Bakıdakı oyunda favoritin olmadığı aşkardır.