“Qarabağ” klubu Çempionlar Liqasında növbəti matça çıxır

“Qarabağ” komandası bu gün UEFA Çempionlar liqasında növbəti matça çıxacaq.

Baş məşqçi Qurban Qurbanovun yetirmələri III təsnifat mərhələsinin görüşündə Bolqarıstanın “Ludoqorets” klubunu qəbul edəcək.

Tofiq Bəhramov adına Respublika Stadionunda keçiriləcək oyun Bakı vaxtı ilə saat 20-də start götürəcək. Qarşılaşmanın baş hakimi isə isveçrəli Urs Şnider olacaq.

Xatırladaq ki, “köhlən atlar” daha əvvəl yarışın II təsnifat mərhələsində Cəbəllütariqin “Linkoln” kollektivini məğlub edib. Səfərdə baş tutan matçda 2-0 hesablı qələbə qazanan Ağdam təmsilçisi cavab görüşündə 5-0 hesabı ilə güclü olub.