İdman
Pleyeri seçin:
“Qarabağ” klubu yanvar ayında ilk transferini reallaşdırdı
“Qarabağ” klubu qış transfer pəncərəsində ilk keçidi reallaşdırıb.
“Köhlən atlar” “Sabah” komandasının futbolçusu Aleksey İsayevi heyətinə qatıb. Bu barədə Ağdam təmsilçisindən rəsmi məlumat verilib.
Bildirilir ki, Azərbaycan millisinin üzvü olan İsayevlə 3 il yarımlıq müqavilə imzalanıb. “Qarabağ”ın Alekseyin transferinə görə ödədiyi məbləğ isə açıqlanmayıb.
Qeyd edək ki, Aleksey İsayev 2020-ci ildən “Sabah”ın şərəfini qoruyurdu. Bu müddət ərzində bütün yarışlarda 108 görüşə çıxan 28 yaşlı futbolçu 12 qol və 23 məhsuldar ötürmə ilə yadda qalıb.
Daha əvvəl Rusiyanın “Yenisey” və “Zenit-2” kollektivlərində də top qovan Aleksey 2018-2020-ci illərdə ölkəmizin “Sumqayıt” klubunda forma geyinib.
Kopyalandı
Seçilmişlər
