İdman
Pleyeri seçin:
“Qarabağ” klubundan bu futbolçuya 2 illik müqavilə təklifi
“Qarabağ” klubu əsas futbolçularından olan Mateuş Silvanı komandadan göndərmək niyyətində deyil.
Yerli mediada yayılan məlumata görə, “köhlən atlar” braziliyalı futbolçunu daha 2 il komandada saxlamaq üçün ona yeni müqavilə təklif edib.
M.Silva özü də “Qarabağ”dan ayrılmaq istəmədiyi üçün tərəflər ilkin razılığa gəliblər. Sözləşmənin gələn ay yenilənəcəyi gözlənilir.
Qeyd edək ki, Mateuş Silva ötən ildən “Qarabağ” klubunun formasını geyinir. Bu müddət ərzində 53 matça çıxan Mateuş 2 qol və 8 məhsuldar ötürmə müəllifi olub. Ağdamlılarla 1 dəfə ölkə çempionu olan futbolçu Kubokda da qalib gəlib.
Əlavə edək ki, “Transfermarkt” portalına əsasən dəyəri 500 min avro olan M.Silvanın Ağdam təmsilçisi ilə hazırkı müqaviləsi 2025-ci ilin yayına qədərdir.
Kopyalandı
