Pleyeri seçin:
“Qarabağ” ölkə çempionatları tarixində son 25 ilin rekorduna imza atıb
“Qarabağ” klubu ölkə çempionatları tarixində son 25 ilin və 21-ci əsrin rekorduna imza atıb.
Bu barədə Peşəkar Futbol Liqasının rəsmi saytında məlumat verilib.
Belə ki, “köhlən atlar” Premyer Liqanın 27 turunda 71 qol vurmaqla bu uğura imza atıblar. Daha yüksək məhsuldarlığa sonuncu dəfə 1998/99 mövsümündə təsadüf olunub. Həmin vaxt “Kəpəz” 27 turda 75 qol vurub.
Ölkə çempionatlarının 27 tur üçün mütləq rekordu isə 1996/97 mövsümündə rəsmiləşib. “Neftçi” bu qədər oyunda 91 dəfə rəqib qapılarına yol tapıb.
Qeyd edək ki, “Qarabağ” hazırda 66 xalla turnir cədvəlinə liderlik edir. “Neftçi” 40 xalla 3-cü, “Kəpəz” isə 27 xalla 9-cudur.
Kopyalandı
![icon](/images/loading.png)