“Qarabağ” Premyer Liqanın 26-cı turunda “Zirə” ilə qarşılaşıb

Avropa liqasında ölkəmizi uğurla təmsil edən “Qarabağ” Premyer Liqanın 26-cı turunda “Zirə”ni qəbul edib.

Tofiq Bəhramov adına Respublika Stadionunda baş tutan oyunda hesabı meydan sahibləri açıblar. İlk hissənin sonlarında Nəriman Axundzadə “qartallar”ın qapısını dəqiq nişan alıb. Tərəflər fasiləyə “köhlən atlar”ın minimal üstünlüyü ilə yollanıblar.

2-ci yarıda da hücumları davam etdirən ağdamlılar 76-ci dəqiqədə fərqi artırıblar. Riçard Almeyda 11 metrlik cərimə zərbəsini dəqiq yerinə yetirib.

Az sonra “Zirə” toplardan birinin əvəzini çıxıb. Sezar Meza Kolli qonaqları ümidləndirib. Ancaq “Qarabağ” 81-ci dəqiqədə daha bir qol vurub. Adama Diakabi matçda son nöqtəni qoyub. “Qarabağ” - “Zirə”: 3-1.

Premyer liqada ardıcıl 4-cü görüşdə qələbə qazanan “Qarabağ” 69 xalla 1-ci, 36 xalı olan “Zirə” isə 6-cı yerdədir.