Pleyeri seçin:
“Qarabağ” səfərdə “Atletik Bilbao”ya məğlub olub
"Qarabağ" UEFA Çempionlar Liqasının əsas mərhələsinin III turunun oyununda səfərdə "Atletik"lə qarşılaşıb.
"San Mames" stadionunda reallaşan matç meydan sahiblərinin 3:1 hesablı qələbəsi ilə başa çatıb.
Qarşılaşmada hesabı Azərbaycan kollektivi açıb. 1-ci dəqiqədə Leandro Andrade fərqlənib. İspaniya klubundan Qorka Quruseta dubl müəllifi olub. Digər qolu Robert Navarro vurub. Bununla da ağdamlılar cari mövsüm Çempionlar Liqasının Liqa mərhələsində ilk məğlubiyyətini alıb.
Qeyd edək ki, Qurban Qurbanovun rəhbərlik etdiyi kollektiv IV turda noyabrın 5-də Bakıda İngiltərənin "Çelsi" kollektivini qəbul edəcək.
Kopyalandı
Seçilmişlər
