“Qarabağ” səfərdə Polşa klubu ilə qarşılaşdı

“Qarabağ” klubu UEFA Çempionlar liqasının II təsnifat mərhələsində ilk oyununu keçirib. “Köhlən atlar” Polşa təmsiçisi “Rakuv”un qonağı olub.

“Miejski” stadionunda keçirilən görüş meydan sahiblərinin 3-2 hesablı qələbəsi ilə bitib. Oyunun ilk hissəsində qapılar önündə qol şansları yaransa da, hesab açılmayıb.

2-ci hissənin 55-ci dəqiqəsində Ağdam təmsilçisinin heyətindən Elvin Cəfərquliyev avtoqol müəllifi olub. 71-ci dəqiqədə isə “Rakuv” fərqi 2-yə çatdırıb. Bu dəfə Fabian Pyasetski fərqlənib.

Bundan sonra Azərbaycan çempionu dönüş etməyi bacarıb. Hücumlarını sürətləndirən “köhlən atlar” Redon Cicanın 73 və 75-ci dəqiqələrdə vurduğu qollarla hesabı bərabərləşdiriblər. Lakin Polşa təmsilçisi 91-ci dəqiqədə fərqi 3-ə çatdırıb. Bu dəfə Sonni Kittell “köhlən atlar”ın qapısına yol tapmağı bacarıb. “Rakuv” – “Qarabağ”: 3-2.

Qeyd edək ki, bu komandalar arasında cavab qarşılaşması avqustun 2-si Bakı Olimpiya Stadionunda keçiriləcək. Bu cütün qalibi III təsnifat mərhələsində Belarusun BATE və Kiprin “Aris” klubları arasında mübarizənin güclüsü ilə üz-üzə gələcək.