“Qarabağ” və “Qalatasaray” oyunla bağlı paylaşım edib

14 mart 2023 318 baxış

Martın 26-sı yoldaşlıq görüşündə üz-üzə gələcək “Qarabağ” və “Qalatasaray” klubları matçla bağlı sosial şəbəkə hesablarında paylaşım ediblər.

"Köhlən atlar"ın rəsmi “Twitter” hesabında “yoldaşlıq deyil, qardaşlıq oyunu” yazılan post yerləşdirilib. Paylaşımda qarşılaşmanın tarixi və məkanı barədə məlumat verilməklə yanaşı, əldə olunacaq gəlirin Türkiyədə baş verən zəlzələdən əziyyət çəkənlərə göndəriləcəyi bildirilib.

“Qalatasaray” isə Ağdam komandasının postuna cavab olaraq Azərbaycan dilində “Azərbaycanda görüşərik” sözlərini yazıb. Bundan başqa, İstanbul təmsilçisi də əldə olunacaq vəsaitin təbii fəlakət zonasına yönəldiləcəyi ilə bağlı məlumat verib.

Qeyd edək ki, “Qarabağ” və “Qalatasaray” arasında yoldaşlıq matçı martın 26-sı keçiriləcək. Bakı Olimpiya Stadionunda təşkil olunacaq oyun saat 20:00-da start götürəcək.

#Qarabağ FK