“Qarabağ”ın Çempionlar Liqası oyunu ilə bağlı qərar açıqlandı

Çempionlar Liqasında III təsnifat mərhələsində “Qarabağ” və “Ludoqorets” komandaları arasında matçları idarə edəcək hakimlər açıqlanıb.

UEFA-nın qərarına əsasən, tərəflərin Bakıda keçiriləcək görüşünü isveçrəli referi Urs Şnider idarə edəcək.

Komandaların Bolqarıstanın Razqrad şəhərində təşkil olunacaq cavab oyunununda isə ədaləti italiyalı Simon Sozza qoruyacaq.

Qeyd edək ki, “Qarabağ” və “Ludoqorets” arasında ilk qarşılaşma avqustun 6-sı Tofiq Bəhramov adına Respublika Stadionunda baş tutacaq. Bu matçın start fiti saat 20-də veriləcək. Klublar arasında 2-ci görüş isə avqustun 13-ü “Ludoqorets Arena”da keçiriləcək.