“Qarabağ”ın Çempionlar Liqasında rəqibi müəyyənləşib

“Qarabağ” komandasının UEFA Çempionlar Liqasındakı növbəti rəqibi müəyyənləşib.

Təmsilçimiz turnirin III təsnifat mərhələsində “Ludoqorets” kollektivi ilə qarşılaşacaq.

Belə ki, II təsnifat mərhələsində Belarusun “Dinamo Minsk” komandası ilə üz-üzə gələn Bolqarıstan klubu iki oyunun yekununda 2-1 hesablı qələbə qazanaraq “köhlən atlar”a rəqib olub.

Qeyd edək ki, “Qarabağ” və “Ludoqorets” arasında ilk matç avqustun 6-sı Bakıda təşkil olunacaq. Tofiq Bəhramov adına Respublika Stadionunda keçiriləcək oyun saat 21-də start götürəcək. Tərəflərin cavab qarşılaşması isə avqustun 13-ü Bolqarıstanın Razqrad şəhərində baş tutacaq.