“Qarabağ”ın futbolçusu vəfat etdi

“Qarabağ” klubunun əvəzedicilərdən ibarət kollektivinin üzvü Şirxan Həsənzadə vəfat edib.

Bu barədə Ağdam təmsilçisinin sosial şəbəkə hesabında məlumat verilib. Belə ki, komandanın məşqində ürəyi dayandıqdan sonra xəstəxanaya yerləşdirilən Şirxan əməliyyat olunsa da, onun vəziyyətində yaxşılığa doğru dəyişiklik olmayıb. Komada olan 21 yaşlı futbolçu ötən gecə dünyasını dəyişib.

Ş.Həsənzadənin vaxtsız vəfatı ilə əlaqədar “Qarabağ”la yanaşı, AFFA və Peşəkar Futbol Liqası başsağlığı veriblər.