İdman
Pleyeri seçin:
“Qarabağ”ın legioneri karyerasını İspaniyada davam etdirəcək?
“Qarabağ”ın ukraynalı futbolçusu Aleksey Kaşuk karyerasını İspaniyada davam etdirə bilər.
Son xəbərlərə görə, 24 yaşlı vinger La Liqa klublarından birinin transfer gündəmindədir. Həmin komandanın adı açıqlanmasa da, Alekseyin çıxışını diqqətlə izlədiyi bildirilir.
İddia olunur ki, oyunçu özü də Ağdam kollektivindən ayrılmağa müsbət yanaşır.
Qeyd edək ki, “Şaxtyor”un yetirməsi olan Aleksey Kaşuk daha əvvəl icarə əsasında ölkəmizin “Sabah” klubunda çıxış edib. Burada 41 qarşılaşmada 18 qol və 12 məhsuldar ötürmə müəllifi olan futbolçu ötən ilin sentyabrından “Qarabağ”dadır. “Köhlən atlar”ın forması ilə 21 oyunda 5 qol vuran Kaşukun müqaviləsi 2027-ci ilə qədərdir. “Transfermarkt” portalı isə onu 1 milyon 800 min avro məbləğində dəyərləndirir.
Kopyalandı
