“Qarabağ”ın matçı ilə bağlı yeni məlumat

UEFA Avropa liqasının 1/8 finalı çərçivəsində keçiriləcək “Qarabağ” – “Bayer” görüşünün hakimləri açıqlanıb.

Tofiq Bəhramov adına Respublika Stadionunda baş tutacaq matçı Benua Bastyenin başçılıq etdiyi fransalı hakimlər briqadası idarə edəcək. Onun köməkçiləri isə Hiçam Zakrani və Orelyen Bertomü olacaqlar.

Qeyd edək ki, “Qarabağ” və “Bayer” arasında mərhələnin ilk görüşü martın 7-si saat 21:45-də start götürəcək. Tərəflərin cavab matçı isə martın 14-ü Leverkuzendə keçiriləcək.