“Qarabağ”ın üzvü Julio Romao üçün məşhur klubdan təklif

“Qarabağ”ın daha bir vacib oyunçusu xarici klubların diqqət mərkəzinə düşüb.

Komandanın dayaq yarımmüdafiəçisi Julio Romao “Kopenhagen” kollektivinin transfer gündəmindədir. Yerli mediada yayılan xəbərə görə, Danimarka təmsilçisi yaxın günlərdə Julio üçün “köhlən atlar”a rəsmi təklif göndərəcək.

“Kopenhagen”lə yanaşı, “Ferentsvaroş” da 26 yaşlı braziliyalı futbolçunun çıxışını yaxından izləyir. Lakin Macarıstan klubu hələ ki təklif göndərməyə tələsmir.

Qeyd edək ki, 2022-ci ildən “Qarabağ”ın formasını geyinən Julio Romao 350 min avroya Portuqaliyanın “Santa Klara” komandasından cəlb olunub. “Transfermarkt”a əsasən dəyəri 600 min avro olan futbolçunun müqaviləsi 2026-cı ilə qədərdir.