“Qarabağ”ın üzvü Juninyo “Fənərbağça”ya keçir?

“Qarabağ”ın əsas ulduzlarından olan Olavio Juninyo komandadan gedə bilər.

Son xəbərlərə görə, 27 yaşlı hücumçu “Fənərbağça” klubunun diqqət mərkəzinə düşüb.

Türkiyə mətbuatında yayılan məlumata görə, İstanbul təmsilçisinin skautları artıq Juninyo üçün Bakıya da gəliblər. Onlar "Qarabağ"ın "Braqa" ilə cavab oyununu izləyiblər. “Fənər” hazırda 27 yaşlı braziliyalı barədə araşdırmaları davam etdirir.

Maraqlıdır ki, bir müddət əvvəl yerli mətbuatda “Adana Dəmirspor” komandasının yayda O.Juninyonu transfer etmək istədiyi ilə bağlı məlumat yayılmışdı.

Qeyd edək ki, “Qarabağ”la müqaviləsi 2026-cı ilədək olan O.Juninyo ötən ilin yayında Portuqaliyanın “Şaviş” kollektivindən 450 min avroya transfer olunub. Bu müddət ərzində 36 matçda “köhlən atlar”ın formasını geyinən futbolçu 21 qol və 5 asistlə yadda qalıb.