Pleyeri seçin:
“Qəbələ” Konfrans Liqasında ilk oyununu keçirdi
Xəbərlərimizi Google-da izləyin
Yeniliklərdən dərhal xəbərdar olun
“Qəbələ” klubu UEFA Konfrans liqasının yeni mövsümündə ilk oyununu keçirib.
“Qırmızı-qaralar” II təsnifat mərhələsinin ilk görüşündə Kiprin “Omoniya” kollektivi ilə üz-üzə gəlib.
Qəbələ şəhər stadionunda keçirilən qarşılaşma qonaq komandanın 3-2 hesablı qələbəsi ilə başa çatıb. Oyunda hesab 4-cü dəqiqədə açılıb. Təmsilçimizin heyətindən Əyyub Əllaş rəqib qapısına yol tapmağı bacarıb.
46-cı dəqiqədə qonaqların heyətindən Roman Bezus cərimə zərbəsindən fərqlənib və hesabı bərabərləşdirib. Tərəflər fasiləyə sülhlə yollanıblar.
2-ci hissədə rəqib komandanın heyətində yenidən Roman Bezus, “qırmızı qaralar”da isə Əyyub Əllaş dubl edib. 2-2. Lakin Bezus 82-ci dəqiqədə penaltini dəqiq yerinə yetirməklə het-trik müəllifi olub və komandasına 3-2 hesablı qələbə qazandırıb.
Qeyd edək ki, bu komandalar arasında cavab matçı bir həftə sonra Kiprdə baş tutacaq. Bu cütdə qalib gələn tərəf növbəti mərhələdə Danimarkanın “Midtullan” və Lüksemburqun “Proqres” klubları arasında mübarizənin güclüsü ilə üz-üzə gələcək.
Kopyalandı
Seçilmişlər
