Pleyeri seçin:
"Ayaks" Niderland çempionatında sonuncu pilləyə enib
Niderland futbolunun ən köklü komandalarından “Ayaks”ın uğursuz seriyası davam edir.
Autsayderlər zonasında olan Amsterdam klubu 10-cu turda PSV-nin qonağı olub. Əzəli rəqiblərin görüşü gözlənildiyi kimi eyndhovenlilərin üstünlüyü şəraitində keçib. Hərçənd ki, hesabı 10-cu dəqiqədə Branko van den Bomenin qolu ilə “Ayaks” açıb.
20-ci dəqiqədə İrvinq Losanonun topu ilə tarazlıq bərpa olunsa da, fasilə ərəfəsində Brayan Brobbi amsterdamlıları yenidən irəli çıxarıb.
2-ci yarı isə PSV-nin üstünlüyü ilə yadda qalıb. 49-cu dəqiqədə Lük de Yonq hesabı bərabərləşdirib. 2-2. Az sonra İsmael Saybari, 60-cı dəqiqədə isə Losano müvafiq olaraq 3-cü və 4-cü topu qonaqların qapısına göndərib. Qarşılaşmada son nöqtəni het-trik edən İrvinq Losano qoyub. PSV – “Ayaks”: 5-2.
Eredivizedə ardıcıl 5-ci matçda uduzan “Ayaks” 8 görüşdən sonra cəmi 5 xalla sonuncu pilləyə enib. Bütün oyunları qalib başa vuran PSV isə turnir cədvəlinin lideridir.
Kopyalandı
#Ayaks FK teqi istifadə olunub
- “Bu cür oyunlar nadir hallarda olur” | Qurban Qurbanov “Ayaks”la matçı dəyərləndirdi - Baku TV
- Ukrayna seçkilərə hazırdır? | “Qarabağ” - “Ayaks” matçı | Lavrovdan xəbərdarlıq - YENİ BİR SƏHƏR
- "Qarabağ"-"Ayaks" matçı qonaqların qələbəsi ilə başa çatdı - Baku TV
- "Qarabağ"ın gəncləri "Ayaks"a məğlub oldu - Baku TV
- "Qarabağ" - "Ayaks" oyunundan sonra Qurban Qurbanovun mətbuat konfransı - CANLI
Seçilmişlər
