Pleyeri seçin:
"Barselona"nın lideri "Mançester Yunayted"in transfer hədəfində
“Barselona”nın aparıcı futbolçularından Frenki de Yonq karyerasını “Mançester Yunayted”də davam etdirməyə yaxındır.
Bu barədə İspaniya mətbuatında xəbərlər paylaşılır.
Bildirilib ki, 26 yaşlı futbolçu “Blauqrana”dakı vəziyyətdən narazıdır. Klubun adının son vaxtlar hakim qalmaqalında hallanması, eləcə də maliyyə problemləri Frenkini narahat edən əsas məqamlardandır.
Qeyd edək ki, Frenki de Yonq əvvəllər də “qırmızı şeytanlar”ın maraq dairəsində olsa da, “Barsa”da qalmağa qərar vermişdi.
Xatırladaq ki, müqaviləsi 2026-cı ilədək olan niderlandlı yarımmüdafiəçi 2019-cu ildən kataloniyalıların üzvüdür. “Transfermarkt” portalına əsasən, dəyəri 80 milyon avro olan oyunçu “Barselona” forması ilə 205 matçda 16 qol və 21 məhsuldar ötürmənin müəllifidir. Komandanın əsas futbolçularından olan Frenki “Blauqrana” ilə La Liqa, ölkə Kuboku və Super Kubokunda qalib gəlib.
Kopyalandı
#Frenki de Yonq teqi istifadə olunub
Seçilmişlər
