"Köhlən atlar" Avropa liqasında növbəti oyununa çıxıb

“Qarabağ” klubu UEFA Avropa liqasında növbəti matçına çıxıb.

“Köhlən atlar” Liqa mərhələsinin 3-cü turu çərçivəsində Niderland kollektivi “Ayaks”la üz-üzə gəlib.

Tofiq Bəhramov adına Respublika Stadionunda baş tutan görüşdə qapılara 3 qol vurulub. Ağdamlılar oyuna uğursuz start verib. 15-ci dəqiqədə komandamız azlıqda qalıb. Julio Romao birbaşa qırmızı vərəqə alaraq meydandan uzaqlaşdırılıb.

Hesabı 36-cı dəqiqədə qonaqlar açıblar. Kennet Teylor hədəfi dəqiq nişan alıb. “Ayaks” fasiləyə minimal üstünlüklə yollanıb. İkinci yarıda da hücumlarına ara verməyən Amsterdam təmsilçisi 74-cü dəqiqədə fərqi 2-yə çatdırıb. Vaut Veqhorst 11 metrlik cərimə zərbəsini dəqiq yerinə yetirib.

Qarşılaşmada son nöqtəni 77-ci dəqiqədə Çuba Akpom qoyub: 3-0. 2 dəqiqə sonra isə Ağdam klubunun heyətində Elvin Cəfərquliyev qırmızı vərəqə alıb. Bununla da “Qarabağ” oyunu 9 nəfərlə tamamlayıb.

Qeyd edək ki, “Qarabağ” bu nəticə ilə Liqa mərhələsinin yarış cədvəlində sonuncu pillədə qərarlaşıb. 7 xal toplayan “Ayaks” birinci yerdədir.

Əlavə edək ki, “köhlən atlar” Avropa liqasındakı növbəti görüşünü noyabrın 7-si Norveç təmsilçisi “Budo-Qlimt”ə qarşı keçirəcək.