"Komanda öz oyun ritmindən uzaqlaşıb" | Qurban Qurbanov

“Əfsuslar olsun ki, məğlub olduq. Doğma azarkeşlərin önündə məğlub olmaq istəməzdik”.

Bu sözləri “Qarabağ”ın baş məşqçisi Qurban Qurbanov UEFA Avropa liqasının əsas mərhələsində Bakıda İsveçin “Malmö” komandasına 1-2 hesabı ilə məğlub olduqları II tur oyunundan sonra təşkil olunan mətbuat konfransında deyib.

“Rəqib komandanı təbrik etməliyik. Bəlkə də layiqli qələbə qazandılar. Daha yaxşı oynayıb, daha yaxşı nəticələr əldə edə bilərik. Ola bilər ki, komanda bu aralar öz oyun ritmindən uzaqlaşıb. Ümid edirəm ki, qarşıdakı oyunlarda daha yaxşı olacağıq”, – o bildirib.