"Neftçi” hücum xəttini kolumbiyalı futbolçu ilə gücləndirib

“Neftçi” komandası qış transfer pəncərəsində heyətini daha 1 futbolçu ilə gücləndirib.

“Ağ-qaralar” kolumbiyalı hücumçu Brayan Moreno ilə 1 il yarımlıq müqavilə imzalayıb.

Paytaxt təmsilçisindən verilən məlumata görə, 24 yaşlı futbolçu “Neftçi”də 88 nömrəli formanı geyinəcək.

Qeyd edək ki, son olaraq Bolqarıstanın SSKA Sofiya klubunda çıxış edən Moreno Bakı kollektivinə azad agent kimi qoşulub. Bundan başqa, Brayan daha əvvəl ölkəsinin “Atletiko Uila” komandasında da top qovub. Bu müddət ərzində ümumən 109 görüş keçirən kolumbiyalı 27 qolla yadda qalıb.