Pleyeri seçin:
"Neftçi İK" Uşaq Futbol Məktəbində 300-dən artıq uşaq futbolun sirlərinə yiyələnir
Təməli 1992-ci ildə qoyulmuş “Neftçi” İdman Klubunda 26 növ üzrə 107 peşəkar məşqçi müəllim, minlərlə yeniyetmə və gəncə, eləcə də neftçilərə xidmət göstərilir.
Klubun nəzdində fəaliyyət göstərən Uşaq Futbol Məktəbində isə 300-dən artıq uşaq futbolun sirlərinə yiyələnir.
Sözügedən məktəblərdən biri də Bakının Suraxanı rayonunda yerləşir. Həmin məktəbdə də mütəmadi keçirilən məşqlər davam edir.
“Əsas məqsədimiz Azərbaycan milli komandasına futbolçu hazırlamaqdır. Bu istiqamətdə işlərimizi davam etdiririk. Məşqlərimiz tam proqramla keçirilir. Məşqçilərimizin hamısı peşəkar mütəxəssislərdən ibarətdir”, – deyə U-14 komandasının baş məşqçisi Babək Həsənov Baku TV-yə açıqlamasında bildirib.
Qeyd edək ki, Klub qazandığı yüksək nailiyyətlər sayəsində Gənclər və İdman Nazirliyi tərəfindən 2007-2013-cü illərdə ardıcıl olaraq 7 dəfə, sonrakı illərdə isə daha bir neçə dəfə ilin ən yaxşı idman cəmiyyəti adına layiq görülüb.
Kopyalandı
Seçilmişlər
