"Neftçi" basketbol liqasında "NTD-İndiqo" ilə üz-üzə gəlib

Basketbol üzrə ölkə çempionatında 7-ci turun görüşləri keçirilir.

Növbəti yarış günündə titula iddialı “Neftçi” və “NTD-İndiqo” komandaları üz-üzə gəliblər. Sərhədçi Olimpiya İdman Mərkəzində baş tutan oyunda ilk period “NTD-İndiqo”nun xeyrinə yekunlaşıb. 18-10.

Növbəti hissə də Xaçmaz kollektivinin üstünlüyü ilə əlamətdar olub. Nəticədə “NTD-İndiqo” böyük fasiləyə 46-31 hesabı ilə irəlidə yollanıb.

Sonrakı periodlarda “ağ-qaralar” vəziyyəti dəyişməyə çalışıblar. Ancaq 3-cü hissədə də qonaqlar daha yaxşı təsir bağışlayıblar. Son perioddan əvvəl 70-52 hesabı ilə irəlidə olan “NTD-İndiqo” 4-cü hissəni də qalib tamamlayaraq yekunda görüşdə 93-71 hesablı qələbə qazanıb.

Bu nəticədən sonra xallarının sayını 13-ə çatdıran “NTD-İndiqo” ölkə çempionatında liderliyə yüksəlib. 1 xal az toplayan “Neftçi” isə 2-ci yerdədir.