"Neftçi" klubu 9-cu turda "Kəpəz"lə qarşılaşacaq

“Neftçi” komandası bu gün Azərbaycan Premyer liqası çərçivəsində növbəti matçına çıxacaq.

“Ağ-qaralar” 9-cu turun qarşılaşmasında “Kəpəz”in qonağı olacaq.

Saat 17:00-da Tovuz şəhər stadionunda start götürəcək oyunu Rəşad Əhmədov idarə edəcək.

Qeyd edək ki, bu görüş ərəfəsində hər iki komandanın işləri yaxşı getmir. 5 xalı olan paytaxt təmsilçisi son olaraq “Sumqayıt”la üz-üzə gəlib. “Neftçi”nin ev sahibliyi etdiyi matç 1-1 hesabı ilə yekunlaşıb. Ümumilikdə isə “ağ-qaralar” hələ ki çempionatda qalib gəlməyib.

Eyni sözləri “Kəpəz” haqqında da demək olar. 8 turdan sonra xalsız qalan Gəncə komandası daha əvvəl Premyer liqanın iddialı klublarından “Zirə”nin qonağı olub. “Qartallar”ın 3-0 hesablı qələbəsi ilə bitən görüşdən sonra “Kəpəz” əvvəlki kimi turnir cədvəlinin sonuncusudur.