"Neftçi" komandası Premyer liqada "Zirə" ilə görüşə hazırlaşır

Yığmaların oyunları ilə əlaqədar klub futbolunda fasilənin yarandığı bir vaxtda “Neftçi” komandası növbəti qarşılaşmalara hazırlığı səylə davam etdirir.

Baş məşqçi Roman Qriqorçukun nəzarəti altında gedən hazırlıqda millilərə dəvət almayan, eləcə də bərpa prosesində olan futbolçular iştirak edirlər.

Qeyd edək ki, mövsümə yaxşı başlamayan “Neftçi” hazırda çempionatda 9-cu yerdədir. 5 turdan sonra 4 xal toplayan komanda hələ ki qələbə qazana bilməyib. Növbəti görüşdə isə “ağ-qaralar” ölkə kubokunun finalçısı “Zirə”nin qonağı olacaq. Premyer liqanın 6-cı turu çərçivəsində keçiriləcək matç sentyabrın 15-i saat 18-də başlayacaq.