"Neftçi" Premyer Liqanın 25-ci turunda "Qarabağ"la qarşılaşıb

Azərbaycan Premyer liqasında 25-ci tura “Neftçi” – “Qarabağ” görüşü ilə yekun vurulub.

“Neftçi Arena”da keçirilən oyunun ilk hissəsində təhlükəli vəziyyətlər yaransa da, fasiləyədək qol olmayıb.

İkinci yarıya yaxşı başlayan qonaqlar Nəriman Axundzadənin topu ilə 47-ci dəqiqədə hesabı açıblar. 1 saatın tamamında Toral Bayramov 11 metrlik cərimə zərbəsini dəqiq yerinə yetirib: 2-0.

71-ci dəqiqədə “ağ-qaralar”ın üzvü Filip Ozobiç fərqi azaltsa da, meydan sahibləri bundan artığını bacarmayıblar. Əsas vaxta artırılan dəqiqələrdə isə “köhlən atlar” daha 2 qol vurublar. Dubl edən Toral Bayramovla yanaşı, Leandro Andrade qapını dəqiq nişan alıb.

Qarşılaşma “Qarabağ”ın 4-1 hesablı qələbəsi ilə yekunlaşıb. Bu nəticədən sonra 60 xalı olan “Qarabağ” liderliyini davam etdirir. “Neftçi” isə 36 xalla 2-ci yerdədir.