Pleyeri seçin:
"Neftçi" Premyer liqanın 3-cü turunda "Sabah"ı qəbul edib
Azərbaycan çempionatında 3-cü turun növbəti matçı “Neftçi” və “Sabah” arasında olub.
Zirə Olimpiya İdman Kompleksinin stadionunda keçirilən görüşün ilk hissəsində qapılar qarşısında təhlükəli vəziyyətlər yaransa da, hesab açılmayıb.
Qarşılaşmada ilk qol 54-cü dəqiqədə vurulub. “Bayquşlar”ın üzvü Amin Seydiyev komandasını irəli çıxarıb. Buraxılan topdan sonra “ağ-qaralar”ın baş məşqçisi Roman Qriqorçuk ardıcıl əvəzetmələr etsə də, vəziyyət dəyişməyib.
76-cı dəqiqədə isə qonaqlar fərqi artırıblar. Coy Lens Mikels hədəfi dəqiq nişan alıb. Qalan vaxtda başqa qol olmayıb və oyun “Sabah”ın 2-0 hesablı qələbəsi ilə yekunlaşıb.
Bu nəticədən sonra “tələbələr” 4 xalla yarış cədvəlində 5-ci, 2 xalı olan “Neftçi” isə 7-ci pillədədir.
Qeyd edək ki, “Sabah” Premyer liqanın 4-cü turunda “Sumqayıt”ı qəbul edəcək. “Neftçi” isə “Araz-Naxçıvan”ın qonağı olacaq.
Kopyalandı
#Neftçi FK teqi istifadə olunub
- "Neftçi" - "Dinamo" matçı necə nəticələnəcək? - Yeni idman xəbərləri - Baku TV
- “Neftçi” yoldaşlıq görüşündə “Osiyek”ə məğlub oldu | Yeni idman xəbərləri
- "Neftçi"nin futbolçusu Elvin Camalov "İdmanda nə baş verir?" podkastında sualları cavablandırdı
- "Neftçi" hansı oyunçunu transfer edir? - Yeni idman xəbərləri - Baku TV
- “Neftçi” 3 futbolçusu ilə yollarını ayırdı
Seçilmişlər
