"Neftçi" "Turan Tovuz"la keçiriləcək oyuna hazırlaşır

Azərbaycan Premyer Liqasının 34-cü turu çərçivəsində “Neftçi” klubu səfərdə “Turan Tovuz”un qonağı olacaq.

Baş hakim Rəşad Əhmədovun idarə edəcəyi oyunun start fiti saat 19:30-da səslənəcək.

Bu, cari mövsümdə sözügedən komandalar arasında keçirilən 4-cü qarşılaşma olacaq. Daha öncə baş tutan 3 oyunda qalib müəyyənləşməyib. İlk turdakı oyun qolsuz bərabərliklə yekunlaşıb. Qalan iki oyunda isə tərəflər hərəyə bir qolla kifayətlənib.

Hazırda “Neftçi”nin aktivində 37 xal var və komanda turnur cədvəlinin 6-cı pilləsində qərarlaşıb. “Turan Tovuz” isə 49 xalla 4-cüdür.

“Ağ-qaralar” geridə qoyduğumuz tur “Kəpəz”i qəbul edib. Qarşılıqlı hücumlarla keçən oyunda qalib müəyyənləşməyib: 2-2.

Tovuz səfərindən sonra paytaxt təmsilçisi “Neftçi Arena”da mövsümün son oyununa çıxacaq. “Neftçi”nin rəqibi “Səbail” klubu olacaq.