"Neftçi" səfərdə Bosniya və Herseqovina klubu ilə qarşılaşdı

28 iyul 2023 193 baxış

“Neftçi” klubu UEFA Konfrans Liqasının yeni mövsümündə mübarizəyə start verib.

“Ağ-qaralar” II təsnifat mərhələsinin ilk oyununda Bosniya və Herseqovina təmsilçisi “Jelezniçar”ın qonağı olub.

“Qrbavitsa” stadionunda baş tutan qarşılaşmada hesab 14-cü dəqiqədə açılıb. Cenan Haraçiç yerli kollektivi önə çıxarıb.

42-ci dəqiqədə isə Aleksandar Kosoriçin avtoqolu tarazlığı bərpa edib. Lakin 53-cü dəqiqədə meydan sahibləri yenidən fərqi artırıb. Cozef Amoa bakılıların qapısına yol tapmağı bacarıb: 2-1.

Lakin 2-ci hissədə də təzyiqi azaltmayan komandamız əsas vaxta artırılan dəqiqələrdə hesabı bərabərləşdirməyi bacarıb. Rəhman Hacıyevin dəqiq zərbəsi komandasını məğlubiyyətdən xilas edib. “Jelezniçar” “Neftçi”: 2-2.

Qeyd edək ki, bu komandalar arasında cavab matçı avqustun 3-də “Baksel arena”da baş tutacaq. Bu cütün qalibi növbəti mərhələdə Türkiyənin “Beşiktaş” və Albaniyanın “Tirana” klubları arasında mübarizənin güclüsü ilə qarşılaşacaq.

#Jelezniçar FK