"O futbolçu hamını boğaza yığıb…" | İDMANDA NƏ BAŞ VERİR?

“İdmanda nə baş verir?” podkastının növbəti buraxılışı yayımlanıb.

Bu dəfə qonaq idman jurnalisti Emin Abbasov olub.

Buraxılışda tarixində ikinci dəfə Çempionlar Liqasında iştirak hüququ qazanan “Qarabağ”ın “Ferensvaroş”a qarşı oyunları və liqa mərhələsindəki rəqibləri müzakirə edilib.

Emin Abbasovun sözlərinə görə, Macarıstan təmsilçisi ilə matçlar iki fərqli üslubun qarşıdurması idi:

“Bir tərəfdə ispan futboluna yaxın üslubda oynayan “Qarabağ”, digər tərəfdə isə atletik Britaniya futbolunu xatırladan “Ferensvaroş” vardı. Ən böyük qorxum qırmızı vərəqə idi, çünki bu, klublarımızın daimi problemi olub. Elvin Cəfərquliyev barədə sərt danışmışdım, amma etiraf etməliyəm ki, bu qarşılaşmalarda yaxşı performans göstərdi”.

Jurnalist liqa mərhələsi ilə bağlı isə bunları deyib:

“Hətta bu gün “Qarabağ” ulduz futbolçular transfer etsə belə, “Liverpul” və “Çelsi” ilə bərabər səviyyədə mübarizə aparmaq çətindir. Ümid edirəm ki, hadisələrin gedişatı bizim xeyrimizə işləyər. Məncə, bu qrupdan 5-6 xal toplamaq həm maliyyə, həm prestij, həm də təcrübə baxımından böyük uğur olar”.