"Qalatasaray”ın futbolçusu 30 milyon avroya “Bavariya”ya keçdi

“Qalatasaray”ın ulduz futbolçularından Saşa Boe komandadan ayrılıb.

O, Almaniya nəhəngi “Bavariya”ya transfer olunub. Bu barədə Münhen təmsilçisinin rəsmi saytında məlumat verilib.

Son xəbərlərə görə, “rekordmayster” fransalı müdafiəçi üçün 30 milyon avro ödəyib. Daha 5 milyon avro isə bonuslar kimi nəzərdə tutulub.

Qeyd edək ki, münhenlilərlə 2028-ci ilədək müqavilə imzalayan Saşa Boe 2021-ci ildən “Qalatasaray”da çıxış edirdi. “Renn” klubunun yetirməsi olan oyunçu bu müddət ərzində 83 matçda 4 qol vurmuşdu.