"Qalatasaray" - "Elfsborq" oyununda 7 qol

24 oktyabr 2024 196 baxış

“Qalatasaray” UEFA Avropa Liqasında növbəti matçını keçirib.

Türkiyə nəhəngi Liqa mərhələsinin 3-cü turunda İsveç kollektivi “Elfsborq”u qəbul edib.

“Rams Park” arenasında keçirilən oyunda azarkeşlər 7 qol görüblər. Hesabı “sarı-qırmızılar” açıb. 28-ci dəqiqədə Mauro İkardi hədəfi dəqiq nişan alıb. 7 dəqiqə sonra fərq 2-yə çatıb.

İsak Pettersson avtoqol müəllifi olub. 44-cü dəqiqədə Barış Alper Yılmaz 3-cü topu isveçlilərin qapısına göndərib. İlk hissə 3-0 hesabı ilə yekunlaşıb.

İkinci yarıda isə daha 4 qol vurulub. Qonaqların 3 dəqiq zərbəsinə “cimbom” Yunus Akgünün qolu ilə cavab verib.

Sərfəli nəticəni qoruyan “Qalatasaray” yekunda 4-3 hesablı qələbə qazanıb. Xallarının sayını 7-yə çatdıran İstanbul təmsilçisi Liqa mərhələsinin yarış cədvəlinə başçılıq edir.

Türkiyə klubu növbəti turda İngiltərənin “Tottenhem” kollektivi ilə üz-üzə gələcək. Bu komanda turnir cədvəlində 5-ci yerdədir.

#UEFA Avropa liqası