Pleyeri seçin:
"Qarabağ" 32-ci turda "Sumqayıt"ın qonağı olub
Futbol üzrə Azərbaycan çempionatında 32-ci tur gözlənilməz nəticə ilə əlamətdar olub.
“Sumqayıt” komandasının qonağı olan “Qarabağ” məğlubiyyətlə üzləşib.
Mehdi Hüseynzadə adına Sumqayıt şəhər stadionunda keçirilən matçda ilk hissə qolsuz yekunlaşıb. 70-ci dəqiqədə isə meydan sahibləri “köhlən atlar”ın qapısına yol tapıblar.
Roi Kehat hədəfi dəqiq nişan alıb. Qalan vaxtda “Qarabağ” ardıcıl hücumlar təşkil etsə də, qonaqların səyləri nəticəsiz qalıb.
Sərfəli hesabı qoruyaraq xallarının sayını 50-yə çatdıran “Sumqayıt” 2-ci yerdədir. Vaxtından əvvəl çempion olan “Qarabağ”ın isə 73 xalı var.
Qeyd edək ki, “Sumqayıt” növbəti turda “Kəpəz”lə üz-üzə gələcək. Ardıcıl 3 oyundur qələbəyə həsrət olan “Qarabağ” isə “Neftçi”ni qəbul edəcək. Hər iki görüş mayın 4-də keçiriləcək.
Kopyalandı
Seçilmişlər
